Ողջույն սիրելի ընթերցողներ: Այսօր ես ցույց կտամ, թե ինչպես
գործել գեղեցիկ ծաղիկ մակրամե թելերով: Ցանկության դեպքում բոլորը կարող են գործել,
քանի որ այն գործելը շատ հեշտ է և արագ:
Վերցնում ենք չորս հատ թել երկու մետրանոց, երեք հատը կենտրոնից
ծալած վիճակում երրորդ ձևով գծում ենք չորրորդ թելի մեջտեղի մասում: Հիմքի չորրորդ
թելի աջ կողմինը թեքում ենք դեպի ձախ, զուգահեռ առաջին բրիդային, և բոլոր թելերը գործում
ենք նրա վրա` աջից դեպի ձախ, և վերջում, չորրորդ թելի ձախը նույնպես գործում ենք նրա
վրա` նախորոք երկուսն էլ լավ ձգելով և հավասարեցնելով: Աջից մեկը թողնում ենք երկրորդի
վրա, գործում ենք բոլորը բրիդայով:
Հաջորդ շարքում նույնպես մեկը թողնում ենք, մյուսները գործում:
Վերջում, երբ մնում է չորս թել, նույն հիմքի թելը թեքում ենք դեպի աջ և չորս հատ թելը
գործում ենք նրա վրա: Հաջորդ շարքերում ամեն անգամ վերցնում ենք բաց թողնված թելերը:
Երբ լրանում է հինգ հատ բրիդան, թերթիկի վերևում, նորից հիմքի
թելը գործում ենք վրան: Այսպես հինգ թերթիկ ենք գործում, ամրացնում ենք առաջին, երրորդ
և վերջին թելերը, սկզբի և վերջի թերթիկները: Այնուհետև շրջում ենք ծաղիկի թարս կողմը
և դրսից դեպի կենտրոն գործում ենք <<Մաքուր եզր>>: Վերջում մի խուրձ թելերից
մեծ քարկապ ենք անում, անցկացնում ծաղիկի կենտրոնով, իսկ թելերի ծայրերը` ծաղիկի ետևի
մասում:
Արդյունքում ստանում ենք շատ գեղեցիկ ծաղիկ, հաշված րոպեների
ընթացքում:
